Председа влады СР Петер Пелеґріні по скінченю выняткового саміту Европской унії (EÚ) о брехіті, потвердив, же лідры 27 членьскых країн Унії ся договорили на новім датумі про брехіт, „по шестьох годинах їднаня сповнили сьме желаня британьской премьєркы Терезы Мейовой о продовжіня терміну на одход Споєного кральовства з EÚ. Наконець подарило ся досягнути компроміс на новім терміні, котрым є 31. октобер. То є день, кедь бы уж мало быти ясно, як брехіт ся скінчить. Унія, окрім того собі становила строгы условія, котры мусить британьска влада  до того терміну сповнити. Як будуть Бриты 23. мая, кедь зачнуть вольбы до Европского парламенту (EP), іщі фурт членом EÚ, то значіть як до того часу нератіфікують три разы одмітнутый договор о рядженім брехіті, будуть мусіти і они зорґанізувати вольбы до ЕP. Як бы тоты вольбы незреалізували, одыйдуть автоматічно з EÚ 1. юна 2019 і без догоды.“ (TASR, Pkf)