Міністер фінанцій СР Петер Кажімір хоче у функції гувернера Народной банкы Словеньска (NBS) продовжувати в модернізації той інштитуції і приправити NBS на наступ новых технологій і діґіталізації. Міністра призначіть презідент СР Андрей Кіска до функції гувернера NBS од 1. юна. Кажімір покы неповів, коли скінчить свою роботу на місці міністра фінанцій. О пізнішый наступ до функції гувернера пожадав сам Кажімір. Як інформував говорця Народной банкы Словеньска Роман Крпелан, „презідент СР Андрей Кіска сповнив желаня міністрові фінанцій Петрові Кажімірові, по догоді з председом влады Петром Пелеґрінім, о пізнішый одход міністра фінанцій з влады і наступ до функції ґувернера NBS.“ Народну банку Словеньска  буде аж до наступу нового шефа вести дотеперішній гувернер Народной банкы Йозеф Макух. (TASR, Pkf)