Жена америцького презідента Йілл Біденова прийде на Словакію, де в часі дня матері ся стрітне з україньскыма матерями і дітьми, котры втекли зо свойой країны по зачатку російской інвазії. Ознамив то вчера вечур вашінґтонского часу Білый дом, інформує пресаґентура TASR на основі сервісу аґенутры   AP. Стріча ся одбуде  в неділю 8-го мая, кедь перша дама США навщівить Кошыці і Вышне Німецько. Подля опублікованого проґраму ся стрітне з міґрантами, гуманітарныма працовниками і містьстныма обывателями підпоруючі родины, котры нашли притулок на Словакії. Біденова потім 9-го мая планує ся стрітнути з членами словацькой влады перед тым, як ся верне до Сполученых штатів. (TASR, Pkf)