Словацькый презідент Петер Пеллеґріні є днесь на навщіві Чехії. Є то його перша загранична навщіва у функції главы штату. Першы його крокы вели на Пражскый град де го прияв Петр Павел, потім стрітнув ся і з премєром Петром Фіялом. Пеллеґрініго проґрам обсягує і положіня вінка перед Філозофічнов факултов Універзіты Карловой на намістю Яна Палаха, конкретно ку новому памятнику жертв минулорічного траґічного стріляня. По обіді, котрый на честь словацького презідента зорґанізував Павел, стрітне ся Пеллеґріні іщі з підпредседом Сенату Їжім Драговшом і наслідні з председничков Посланецькой палаты Маркетов Пекаровов Адамовов. На конець ся Пеллеґріні стрітне і з чеськым експрезідентом Мілошом Земаном. З Прагы одлетить словацькый презідент до Бруселу, де буде СР заступовати на двойдньовім самміті Европской унії. (TASR, Pkf)