Про Словацьку републіку є важным далше фунґованя Вышеґрадьской штирькы (V4). Выголосив то в понедільок почас робочой навщівы Мадярьска председа Народной рады СР Петер Пеллеґріні на сполочній пресконференції із шефом мадярьского парламенту Ласлом Кевером. Пеллеґріні підкреслив, же в областях, де находять Чеська републіка, Польща, Мадярьско і Словакія згоду, ся то вказало як барз хосенне. Председа словацького парламенту підкреслив, же жытелі країн V4 представлюють майже десять процент вшыткого населіня Европской унії. Зато, за словами Петра Пеллеґріні, погляды Словакії, як і Мадярьска а далшых нашых сусідів мусять звучати выразніше і в рамках Унії.

(Медвідь, TASR)