Hlas-SD буде вести їднаня о зоставліню влады лем з партіями Smer-SD a SNS. Єдноголосно о тім вырішыло вчерайше председницьтво партії. Інформував о тім председа Hlasu Петер Пеллеґріні. Предпокладать, же презідентка Зузана Чапутова бы мала мати выслідок їднаня о зоставліню влады  до кінця тыждня. Єдночасно потвердив, же в будучій владі бы немали сідіти двоє експремєры. Пеллеґріні означів сполочне їднаня зо Smerom і SNS за конштруктівне поволебне їднаня. Тройкоаліцію поважує за практічнішу. Як то шак перестане фунґовати меджі нима, партія з влады одыйде. (TASR, Pkf)