Председа влады Петер Пеллеґріні вірить, же в новозволеній презідентці Зузані Чапутовій найде партнера, з котрым буде годен конштруктівно і інтензівно діскутовати о рішіню проблемів. Повів то почас понедільковой навщівы Тырнавы. „Хочу щіро заґратуловати новозволеній пані презідентці Зузані Чапутовій ку зволіню. Досправды вірю, же в ній найду особу, з котров будеме годны барз конштруктівно і інтензівно діскутовати о тім, як рішыти проблемы Словакіїі, я на таку конштруктівну і добру дебату з ньов будьколи приготовленый,“ повів премєр. Єдночасно Пеллеґріні подяковав Марошови Шефчовічови за кандідатуру і оцінив його кампань. Новозволена презідентка на суботняйшім бріфінґу подяковала вшыктым, котры голосовали нелем по словацькы, але і по мадярьскы, чеськы, русиньскы і ромскы. Было то першыраз, што новозволена голова державы подяковала і в языкax меншын.

(Медвідь, TASR)