Нововыменованый премєр СР Петер Пеллеґріні пришов на свій першый саміт ЕУ в Бруселї з одказом, же нова влада Словацькой републикы продовжує в становленім проевропскім напрямі. „Є то самособов про мене обровска честь заступовати Словацьку републику на такій подїї, мам перед тым великый решпект. В першім шорі хочу уістити вшыткых колеґів з членьскых країн, же Словакія і надале буде тримати ясный проевропскый кузр а в припадї, же будуть мати інтерес ся інформовати і о сітуації на Словакії, буду їм ґарантовати, же зробиме вшытко про то, жебы ся тоты подїї, котры ся у нас стали вышетрили досправды незалежно што найскоріше і транспарентно.“ Пеллеґріні увів, же і на основі інформацій, котры на саммітї дістане односно припаду із Слаізбурі, ся словацька делеґація припоїть або не припоїть ід векшыновому погляду. Дале высловив погляд, же „є важне, жебы сьме заховали інтензівный діалоґ меджі ЕУ і Росіов, бо в іншім припадї, кедь приймеме єдностранне розгоднутя без нормалного діалоґу і снагы выяснити сі річі, приспієме назад ід згоршіню одношінь.“
(TASR, Цітрякова)