Політічны партії дістануть у 2025-ім році за резултаты волеб до Народной рады СР майже 14,3 міліона евр. Дотацію собі ділить вісем партій і єдна коаліція, котры у вольбах в 2023-ім році досягли холем три проценты. Грошы за вольбы ся выплачають поступно каждый рік почас цілого функчного періоду. Цілково ся має выплатити 92,87 міліона евр. Найвеце грошей дістане в 2025-ім році Smer-SD, і то майже 3,6 міліона евр, наслідує Progresívne Slovensko з веце як 2,8 міліонами евр, Hlas-SD з майже 2,4 міліонами, коаліція OĽANO (днесь Hnutie Slovensko), Kresťanská únia, Za ľudí з майже 1,5 міліонами і KDH дістане понад 1,1 міліона евр. SaS здобуде 1,04 міліона евр і SNS понад 935 000 евр. Грошы дістануть і субєкты, котры не суть в парламенті, але мали над 3 процента, і то Hnutie Republika i Aliancia.

(Медівдь, TASR)