Партія За людей одмітать слова партії SaS, котра їх мала означіти за зрадників. По їднаню посланецького клубу то повіла председничка партії і віцепремєрка Вероніка Ремішова. Партія За людей ся стрітла вчера і з представителями OĽANO. Обідві партії хочуть надалей їднати о штворкоаліції, о можностях тройкоаліції недіскутовали. До понеділька, 29-го марця, хочуть За людей сітуацію вырішыти. Як ся то нестане, немать подля Ремішовой змысел надале быти в розпадаваючій владі. Додала, же SaS собі забухла двері, но позваня їднати про партію Ріхарда Суліка фурт існує. Вызвала SaS, абы ся неснажыли забухнути отворены двері. (TASR, Pkf)