Депутаты народной рады Словацькой републікы зачали днесь пятый день 51-го засіданя парламенту новелами од резорту справедливости. Новела закона о судцях і присидячіх управлює інштітут юстічных чекателів. Тоты мають часточно заступити судців, котры одходять до пензії. Зміны мають быти і при выберовім процесі на функцію юстічного чекателя. Депутатів чекать і новела Нотарьского і Екзекучного порядку. Рішіня в дісціплінарьных процесах нотарів і екзекуторів буде годен в припаді публічного інтересу напасти скаргов і міністер справедливости. Резорт хоче розшырити і припады представлюючі выняток з обоязку нотаря заховати мовчанливость.

(Медвідь, TASR)