Народна рада Словацькой републікы бы мала кандідата на ґенералного прокуратора волити в четверь 3-го децембра. На перенесіню вольбы в понедільок договорила ся коалічна рада. На соціалній сіті о тім інформовав шеф клубу депутатів OĽANO Михал Шіпош. Парламент мав волити ґенералного прокуратора уж минулый тыждень, но кедьже ся коаліція не добісідовала на сполочнім кандідатови, голосованя перенесли на тот тыждень. Парламент мав голосовати днесь, но далше не пришло ку договору в коаліції. О посаду ґенералного прокуратора має інтерес сім кандідатів. Ґенерална прокуратура не має рядного шефа уж місяці. Яромірови Чіжнарови ся скінчів функчный період 17-го юла. Хоць міг зістати у функції до выменованя нового, пожадав презідентку Зузану Чапутову о увольніня з посады. Заникла му в авґусті.

(Медвідь, TASR)