Посланці Народной рады Словацькой републікы не были у віторок ани на другу пробу узнесіняспособны на міморяднім засіданю ку одкликованю міністра внутрішніх справ Матуша Шутая Ештока. В салі презентовало ся лем 58 посланців. О пропозіції на одкликаня шефа резорту будуть пробовати їднати на найблизшім ряднім засіданю, котре має быти у фебруару. Одкликованя ініціовала опозіція. Міністра крітікує окрім іншого за актуалну сітуацію в Поліцайнім зборі повязану з одходом поліцайтів, занедбаня проблемы поліцайной бруталіты ці нерішіня бомбовых огрожінь на школах. Крітіковала і зміріня меджі Андрейом Бабішом а міністерством.

(Медвідь, TASR)