По року добровольного  хоснуваня буде од 1-го юна служба електронічной робочой неспособности (ePN) повинна про вшыткых общіх лікарїв, амбулантных ґінеколоґів, як і шпиталі і купелі. Про пресаґентуру TASR то потвердила говоркыня Народного центра здравотницькых інформацій (NCZI) Вероніка Данічова, причім підчеркла, же в граничных і оправданых сітуаціях, кедь ePN небуде мож спрацювати електронічно, буде выписана PN в папірьовій формі – то значіть, же нестане ся, же бы пацєнт PN недостав. Данічова попередила і на то, же в сітуації порушіня повинности може лікарьовї подля закона грозити покута 3300 евр. Санкційованя є подля єй слов цалков в компетенції резорту здравотницьтва. (TASR, Pkf)