Народна рада (НР) СР небуде їднати о безпечностній сітуації на Словакії. Посланці неодобрили проґрам днешнього выняткового засіданя. За їх голосувало 51, проти было 45 і стримало ся їх 31. Пропозицію на скликаня засіданя подала ґрупа опозичных посланців на чолі з Юрайом Крупом із SaS. Діскутовати хотіли окрім іншого о безпечностній сітуації в країні по новелізації Карного закона, бомбовых загрожінях на школах ці о актуалнім ставі в Поліцайнім зборі. Жадали участь міністра внутра Матуша Ештока. Тот на засіданя і  прушов. (TASR, Pkf)