Цїлково 20 школярїв і 20 педаґоґів сі у четверь в Пряшові перевзяло оцїнїня Пряшівского самосправного края за успішну репрезентацію Sophista pro regione a Lux mentium. Найвеце оцїненых было з міста Пряшів. Пропозіції на тото оцїнїня посылали директоры школ а о лавреатох рїшыли членове теріторіалной школьской рады. При выбері педаґоґів ся брала до увагы актівіта при приправі школярїв на рїзны змаганя, проєктова дїялность, але і вытваряня і хоснованя іноватівных метод на навчаню. О пропозіції на оцїнїня школярїв рїшыла комісія зложена зо заступцїв одбору школства ПСК. Тоты брали до увагы умістнїня школярїв в різных змаганях, репрезентацію школы на меджінародній уровни, высоко гуманный приступ ці міморядный преяв актівіты і ініціатівы.

(TASR, Шутіова)