Область охороны особных даных умертых особ ся управить. Депутаты Народной рады Словацькой републікы днесь схвалили новелу закона о охороні особных даных. Авторами суть коалічны депутаты, котры бісідують о барьєрах наприклад при будованю пєтных памятників і при веджіню віртуалных цінтерів, архівів ці документації войновых злочінів. Новела зато управлює розсяг діяня закона. Предкладателі бісідують і о гармонізації з правныма актами Европской унії. По новому буде в законі ясно дефіноване, же не односить ся на спрацованя особных даных умертых особ, кедь є то про научный, штатістічный ціль, ціль уменя, пресы, радіового і телевізного высыланя, архівації, документації, баданя, діяня цінтерів, умістніня памятників і памятных таблиць ці орґанізацію споминовых подій і пєт.

(Медвідь, TASR)