Одборовой союз КОВО зачінать збирати підписы на петіцію за выголосіня референдума о ткз. застропованю віку одходу до пензії. Виголосив то вчера на пресконференції в Братіславі председа одборовой організації Еміл Махіна. Референдум бы ся мав занимати вопросом, ці обывателі суть согласны зо застропованям пензійного віку на 64 років і тыж, ці бы мало быти законом заставене продовжуваня віку одходу до пензії про жены, котры выховували єдну дітину, на 63,5 років, жены, котры выховували дві дітины, на 63 років і жены, котры выховували три і бівше дітей, на 62,5 років. Тото референдум бы за словами Махіну могло быти споєне і з дакотрыма вольбами. ,,Мы зачінаме днешнім дньом тоту петицію, будуть розпосланы гаркы до вшыткых подників, ,, приближыв Махіна, причім додав, же одборова організація КОВО заступає бівше як 200 000 робітників. „Также віриме, же то буде барз промптна акція,“ скінчив свій выступ.
(TASR)