О продовжіню осінніх вакацій ученикам основных і середніх школ можу вырішыти їх директоры. Волно ся учням зачінать в понеділок, 30.октобра а до школскых парт ся знову вернуть в четвер 2.новембра. Здружіня міст і сел Словакії твердить, же директоры можуть вакації продовжыти лем із важных головно орґанізачных і превадзковых причин. За словами говорцю ЗМОС-у Михала Калиняка, мож предпокладати, же часть директорів буде хотіти з причины плануваного наступу учнів до школы в четвер, выужыти свою компетенцію і призначить директорске вольно. Осінні вакації бы так на даных школах ся могли продовжыти о дальшы два робочі дні.
(Петро Кімак-Фейко)