Нихто не хоче выкликовати чутя страху разантных закроків поліції в припадї моніторінґу дотримованя обмеджіня выходжаня. На тисковій конференції по веджіню розговору централного крізового штабу то повів міністер внутрїшнїх дїл СР Роман Мікулец (OĽANO), котрый зарівно пожадав, жебы ся люде не намагали обходжати наряджіня а выдумовати способы, як ся рештрікціям выгнути. ,,Думайте прошу і на то, же і шандарї і вояци мають родины, же суть насаджованы в першій лінії в бою, котрый хочеме звладнути,“ увів. В єднакім духу пожадав верейность о сполупрацу з превентівныма кроками штату і міністер здравотництва СР Марек Крайчі (OĽANO). Упозорнив на то, яке то мать значіня про сістем здравотництва і ёго капаціты. ,,Тым, же зостанеме дома, же мінімалізуєме контакты, понижиме можливост наказы. І тот, што є накаженый, не наказить другых, по зіщіню інфекції тестованём буде ізолованый,“ упозорнив.

(TASR, Шутіова)