Економію приближує школярїм середнїх школ шість років Економічна олімпіада. Тот рік ся розшырює і на основны школы, цїлём є запоїти школярїв 8. і 9. класы. Школы ся можуть до змаганя приголосити онлайн до понедїлька 13. марца. TASR о тім інформовали з INESS – Інштітуту економічных і сполоченьскых аналіз, котрый Економічну олімпіаду на Словакії орґанізує. У верзії про школярїв середнїх школ ся за шість років запоїло веце як 45.000 школярїв з цїлой Словакії. Пілотный рочник про основны школы позоставать лем зо школьского онлайн кола. Задачі до змаганя приготовлюють одборници з чеського Інштітуту економічного навчаня. ,,Економічна олімпіяда про основны школы мать за цїль приближыти основы з економії і фінанцій школярїм 8. і 9. класы основных школ. Намагаме ся вытворити їм добрый одразовый мостик про далшы штудії економічных тем на середнїй школї,” повіла Моніка Будзак, директорка Економічной олімпіады на Словакії. Реґістрація про школы є задарьмо. Школьскы онлайн кола ся одбудуть од 20. до 31. марца.

(TASR, Шутіова)