Цїлём нововзникнутой незіскоровой орґанізації (НО)Єден родич є помочі родинам, в котрых выховлює дїти лем єден родич а другый умер або ся одстїговав а з дїтми ся не стрічать. ,,Хочеме злїпшыти жывоты осамітных родичів з єдным і веце дїтми посередницьтвом реалной помочі і злїпшінём условій в соціалній сістемі Словеньска,” повіла директорка НО Єден родич Ева Маркова. Орґанізація хоче удїлити такым родичам службы, котры ім поможуть перемочі тяжкый період в їх жывотї і помагати в областях меджілюдьскых партнерскых одношінь, здравой родины, стабілных фінанцій, роботы і шанцы на штудіум і розвиток дїтей. Представітелї НО собі думають, же соціална сістема на Словеньску не фунґує достаточно і одповідны дотеперь не зробили скоро жадны опатрїня на злїпшіня якости жывота в родинах з єдным родичом. НО зато хоче змінити свідомость в сполочности і приспыти ку змінам в соціалній сістемі Словеньска.

(Шутіова, TASR)