Опозічны посланці Народной рады Словацькой републікы підкреслили значіня Конштітучного суду і потребу зволити якостного кандідата на його судцю, котрый буде морално і фахово достаточно кваліфікованый. Крітіковали пізный термін вольбы і низке чісло ашпірантів. Видять за тым актуалну сітуацію і поступы коаліції. В парламенті днесь доміновали выступы опозіції. Посланкыня за SaS і ексмінітерка справеливости Марія Коликова крітіковала і роздумованя о звекшіню чісла конштітучных судців, на што не видить причіну. Подля ньой бы то значіло, же бы їх волила сучасна влада і могла бы Конштітучный суд політічно овладнути.

(Медвідь, TASR)