Робітників братіславского аєродрому, палубный персонал владного шпеціялу, його пілотів і охранкарів, котры прийшли до контакту з вєтнамсков делегаційов при уносі їх обывателя до країны, треба збавити мовчанливости і вислухати. Твердять то представителі опозичных партій ОЛЯНО і САС, котры ініціюють выняткове засіданя Выбору НР СР про обрану і безпечність. Як увів посланець Габор Грендел: „Подозріня, же СР была заплетена до уносу Вєтнамця было і дотеперь барз важне а то з двох причин. Першов є, же в тім часі неіснувала нияка причина на стрічу вєтнамской владной делегації і тодійшнього міністра внутра Роберта Калиняка на Боріку. Єдночасно до днешнього дня небыла опублікована нияка інша етапа ці верзія, як ся тот Вєтнамець достав до свойой країны, як через Словакію.“
(TASR)