В главнім місті Чеськой републикы ся вчера в часі 35-го выроча Ніжной револуції одбыли окрім ослав і многы демонштрації. Перед будовов Народного музея в Празі ся зыйшли пару сто людей, котры несуть згодны з тым, абы на ньому быв вывісеный україньскый прапор, інформує о тім справодайкыня пресаґентуры  TASR в Празі. Демонштрацію скликав актівіста Ладіслав Врабел, котрый в минулости орґанізував великы противладны протесты на Вацлавскім намістю. Подля сервера iDNES.cz ся на  місці зыйшло коло 400 людей . Окрім них там прийшли і приклонници Україны. На ненасилный процес протесту дозерали десяткы поліцайтів і членів антіконфліктного тіму. (TASR, Pkf)