Вецей годин языка народностных меншын в школах хоче просадити резорт школства. В рамках робочого выїзду на выходній Словакії то повів штатный секретарь Міністерства школства, наукы, дослідженя і шпорту СР Петро Крайняк. Як про пресову аґентуру ТАСР повів. „од 1. януаря 2018 суть призначены фінанчны средства, то значіть, є то звышіня норматіву о штирї процента про школы, котры зачнуть реалізувати новый едукачный проґрам. Звычайна школа зо словацькым навчалным языком прибере і навчалный язык народностной меншыны. В прахі то значіть, же єдна година навчалного меншынового языка є в першім класі. од другого до семого класу то суть дві годины а од осьмого до вевятого три годины навчалного языка меншыны. Є то барз выгодне і повів бы єм, же є то і ефектівный інструмент про малы народностны меншыны, як суть Ромы, Русины, Українці, Хорваты. Є то штось, што бы могло помочі к дальшому розвою културы народностных меншын“.
(TASR)