Од 1. юла того року бы ся мала звышыти піняжна помічь на опатруваня тяжко здравотні постигнутых про вшыткы групы поберателів. По новім буде вышка даной помочі становлена певном сумов. Выходить то з новелы закона о піняжній помочі на компензацію тяжко здравотного постигнутя, котру посунув парламент до другого чітаня. Новела закона рахує с поступным збівшованям піняжной помочі на опатруваня, а то так, абы ся до року 2020 його вышка приближыла вышкі чістому мінімалному заробітку при поберательох в продуктівнім віку і при поберательох побераючіх дакотру з пензійных помочі бы його вышка мала досягти половину чістого мінімалного заробітку.
(TASR)