Од 1-го януара 2020-го року буде Соціална поіщовня призначувати і перерахувувати мінімалны пензії по новім. Неє треба о то жадати вынятоковов жадостьов, о право на звышіня пензії на мінімалну пензію одобрить автоматічно поіщовня без жадости і пошле о тім пензистові письмовый вердікт. За 30 років періоду пензійного поіщіня буде пензистові од 1-го януара 2020-го року патрити мінімална пензія 334,30 евра місячні, што представує 33 % середнього місячного номіналного заробітку робітника в господарстві Словацькой републикы за календарний рік, котрый два разы передходить календарному року, в котрім ся призначує сума пензії. За каждый дальшый рік періоду пензійного припоіщіня над основну границю 30 років ся мінімална пензія звышыть о два процента сумы жывотного мініма за 31-ый рік аж 39-ый рік періоду пензійного поіщіня і о три процентів сумы жывотного мініма за 40-ый і дальшый рік періоду пензійного поіщіня. (TASR, Pkf)