Днесь, 21-го авґуста минуло 55 років од моменту, коли армії пятьох штатів Варшавского договору  – Совїтьского союзу, Булґарії, Мадярьска, Німецькой демократічной републикы і Польщі – перекрочіли границі і зачали окупацію Чеськословеньской соціалістичной републикы (ČSSR). Танкы і обырнены транспортеры з білыма інвазныма смугами насилно скінчили реформный і демократічный процес в Чеськословеньску. Посланці Народной рады СР вырішыли 3-го новембра 2020-го року о тім, же до списку памятных днів прибуде 21-ый авґуст як День жертв окупації Чесько-Словеньска в року 1968. (TASR, Pkf)