Од середы бы ся мали одкрывати бібліотекы. Інформовало о тім Міністерство културы з одкликаньом ся на найновішы наряджіня Уряду публічного здравотницьтва. Кількость навщівників в єднім моменті не сміє перекрочіти концентрацію єден чоловік на 15 метрів квадратных, причім наряджіня не платить про діти до десять років в супроводі дорослой особы. Резорт припоминать обовязок забезпечіти дотримованя діштанцій в шорах особ мінімално два метры. Заказаным є і надалше конзумовати стравы і напої в інтерьєровых або екстерьєровых частях бібліотекы, ці в близкости бібліотекы.

(Медвідь, TASR)