Кандидатів на судців Уставного суду СР чекать в тім тыждні выслух в парламентнім  устаноправнім выборі. О місто на уставнім суді мать інтерес цілково 40 кандідатів. Общі парламентны дискусії ся зачнуть всереду 23. януара. Выбор собі на то призначив три дні. Общность буде мати можность за словами председу выбору Роберта Мадея даны діскусії слідити на інтернетовім сайті парламенту. Єдночасно буде на дане засіданя позваный і презідент републикы.  Того може заступовати ведучій робітник Канцеларії презідента СР, котрому дають слово, хоцьколи о топопросить.