Влада по тыждні дискусії вырішыла о тім, же зреалізує од  днешнього дня до 26-го януаря контінуалный добровольный скрінінґ на цілій Словакії, котрый мать указати цілоплошну сітуацію з пандемійов. Подля выслідків перетестованя ся мать Словацька република розділити на 37 горшых і 36 ліпшых окресів з тым, же в тых горшых ся буде скрінінґ повторяти. Влада тыж вырішыла о тім, же продовжує заказ выходжіня до 7-го фебруара. По 27-ім януарї мать быти условійом драгы  до роботы неґатівный антіґеновый або PCR тест, згодно і при перебываню в природі. Условія ся шак небудуть дотуляти молодежі до 15 років і сеніорів над 65 років ани тяжко  здравотні гендікепованых людей. Міністер здравотницьтва СР Марек Крайчі вірить, же перетестованя і ефект продовжуючого  lockdownu дасть можность од 1-го фебруара, може і скорше, уволнити опатріня. (TASR, Pkf)