На Словакії ся од днешнього дня отворять храмы, театры з махімалнов капацітов 50 процентів і плаварні ці фітнесцентра з махімалнов капацітов 6 особ. Згодно зачнe фунґовати друга гокейова і футбалова ліґа. Їх запасы шак будуть без навщівників. Уряд верейного здравотницьтва СР інформував, же навщівници културных акцій і богослужеб будуть мусіти  сідіти будь в каждім другім ряді, або шаховницово. Заказана є  конзумація напитків або їдел, орґанізатор мусить тыж перед зачатком одміряти тілесну теплоту  выступаючім і недоволити їм вступ, як мають теплоту вышшу як 37,2 ґрадусів Целзія. (TASR, Pkf)