Од днесь ся мож на Словакії реґістровати на щіпіня новов вакцінов од компанії Novavax через портал korona.gov.sk. Потвердила то говоркыня резорту здравотництва Зузана Еліашова. Словакія обїднала довєдна 600 тісяч давок той вакціны проти хвороты Covid-19. Од дводавковой вакціны Novavax собі міністер здравотництва Словацькой републікы Владимір Ленґварьскый обіцять звекшіня інтересу о щіпіня. Довоз вакціны є напланованый на конець фебруара, такой по нім зачне щіпіня. Вакціна є добра як про першы, так і про посилнюючі давкы. Автоматічне планованя другых давок буде становлене найпізніше на 21-ый день по аплікації першой давкы. Реґістрація є можлива про особы старшы як 18 років.

(Медвідь, ТASR)