Узькы контакты позітівных особ на новый коронавірус немусять іти до ізолації, як немають сімптоны захворіня і суть заочкованы. Зміны принесла од днешнього дня ознамліня Уряду верейного здравотницьтва СР к ізолації особ і карантені узькых контактів. Абы особа немусіла іти до карантены, мусить быти найменше 14 днів по другій давкі mRNA вакціны протів захворіню COVID-19 або штирї тыждні по заочкованю першов давков векторовой вакціны. выїмку з ізолації собі можуть поужыти і люди, котры переконали захворіня COVID-19 і до 180 днів од переконаня ся дали заочковати, причім од першой давкы очкованя любовольной вакціны минуло мінімальні два тыждні. (TASR, Pkf)