Од днешнього дня є подля COVID автомату в чорній фазі пять окресів – Бардейов,  Чадца, Кісуцке Нове Место, Стара Любовня і окрес Свідник. В другім ступіню огрожіня, то значіть в бордовій фазі, є 22 окресів. Червных  окресів є 37, оранжовых 15. У вшыткых окресах так діють строгішы условія наприклад про громадны акції, рештаврації, фітнесс центра ці веллнесс, але і свадьбы і кары. Условія ся одвивають од режіму, котрый собі выбере орґанізатор. В чорных окресох суть условія найстрогішы. Заказаны суть свадьбы, ославы ці вечуркы і акції в превадзках верейного стравованя. Заперты суть і фітнесс центра, веллнесс, аквапаркы і природны і лічівы купелі.