В просторах Фонду на підпору културы народностных меншын у Братіславі днесь 14-го фебруара зачало дводенне засіданя членів Одборной рады русиньской народностной меншыны. Єй членами суть Анна Кузмякова, Анна Плішкова, Марія Пайзінкова, Маріян Марко і Ян Липиньскый, котрый є председом рады. Членове рады посуджують тогорічны проєкты, котры были поданы на Фонд. Довєдна было подано 155 проєктів в сумі 973 395 евр, на котры было фондом про русиньску меншыну того року выділено 486 400 евр. (А.Кузмякова)