На позваня презіденткы Словацькой републікы Зузаны Чапутовой прийде в середу на робочу навщіву Словакії німецькый презідент Франк-Валтер Штайнмаєр. Презідентка ся з ним стрітить в Кошыцях, одкыль тот тыждень урядує. ТASR о тім інформовав говорця презіденткы Мартін Стріжінєц. По сполочнім їднаню в Старій радніці головы держав перейдуть ся центром міста і пополідне будуть в кошыцькім културнім центрі Tabačka діскутовати з представителями мімовладных орґанізацій о ролі обчаньской сполочности в актуалній гуманітарьній сітуації. Пізніше мають іти на авіабазу Сліач, де вже дакілько тыжднів суть і німецькы вояци в рамках посилніня обороны выходного крыла НАТО.

(Медвідь, TASR)