Переход на повинну предпрімарну едукацію бы мав быти непрерывный. Приспіти бы до того мала новела закона о выхові і едукації, котру до Народной рады СР предложыли коалічны посланці. К непрерывному переходу на повинну предпрімарну едукацію бы мала помочі дочасна можность його даваня і в “несітьовых“ заряджінях. Тота можность мать екзістувати до 2024-го року. В рамках посілніня прінціпу інклузії мать прибыти можность, абы коло асістента учітеля мали можность робити в матерьскій школі і одборны робітници. По новім бы тыж міг діректор школы зрушыти індівідуалну едукацію дітины на пропозицію повіреного школского іншпектора. Забезпечіти ся так мать кваліта індівідуалной едукації. (TASR, Pkf)