До леґіслатівы од 15-го януара запровадила ся повинность декларовати фінанчны средства в готовости при їх переношіню через внутрішню граніцю Европской унії. Выходить то з новелы закона о охрані перед леґалізаційов приймів із карной діятельности і о охрані перед фінанцованьом терорізма, котра здобыла платность в половині януара. По новому буде мочі неслуханя вызвы озброєного члена фінанчной справы на оголошіня переношіня готовости в сумі понад 10 000 евр або оголошіня неправилных даных о сумі посуджовати як переступліня. Запроваджать ся так само термін „особа усаджены у высокорізіковій країні“. Прецізують ся так само повинности при выконованю черезгранічных корешпонденчных односин і при выпрацованю проґраму властной діятельности повинной особы.

(Медвідь, TASR)