В рамках проєкту Фолклор- душа Словеньска підпорить Міністерство културы СР з Фонду на підпору уменя проєкты за три міліоны евр. Проґрам увели в Очовій в марцю, ёго выгодночіня презентовала перед зачатком фолклорного фестівалу у Выходній у четверь міністерка културы Любіца Лашшакова. ,, Бігом пару днів нам пришло веце як тісяч жадостей, ай фінанчны пожадованя заявників далеко перевышали нашы можности. Спочатку сьме до той вызвы дали 1,5 міліона евр, але зістили сьме, же нарокы пeредставлюють веце як 12 міліонів евр, таже сьме обогатили тоты вызвы о далшых 1,5 міліона евр, “ увела. Конкретізовалa, же тоты жрїдла можуть заявницї вывжыти на накуп кроёвого облечїня, музичных інштрументів, можуть за тоты средства путовати по світї ці вытваряти новы проґрамы. Міністерство отворило вызву в трёх катеґоріях, іде о підпору професіоналных ансамблів, непрофесіоналных ансамблів і тзв. штіпендістів. ,,Найвеце пінязей в цїлковій вышцї скоро 2,3 міліона евр ішло до другой з уведженых катеґорії” конкретізовала Лашшакова. Дале додала, ,,Покля буду мати можность, так буду робити вшытко про то, жебы сьме з подобнов вызвов пришли і на далшый рік”. Вірить, же в тій підпорі будуть продовжовати і єй наслїдницї і стане ся з того традіція. 

( Шутіова,TASR)