Влада вчера перерушыла засіданя о Мостнім проґрамі з ділні резорту доправы до найближшого засіданя кабінету. Міністер доправы Андрей Долежал шак убезпечів, же вшыткы членове влады высловили підпору даному матеріялу.  Як далі Долежал повів, же скоро 200 мостів на дорогах першого класу  на Словакії суть в барз злім ставі. Прото хотів в матерялі завязати міністра фінанцій Едуарда Геґера, абы реґулярно выділював суму фінанчных средств на реконштрукцію, модернізацію даных обєктів. Долежал пропонує в горізонті пятьох років выділити зо штатного розрахунку мінімалні 30 міліонів евр каждый рік на модернізацію мостів першого класу. (TASR, Pkf)