Проєкт Приправы на роботу зреалізують в дальшых штирьох роках конзорціюм Дойче-Словакіше Академійын, дцерска сполочность німецького освітнього концерну ЕБҐ і сполочност Нюпорт Ґруп. Проєкт приправила централа праці, соціалных справ і родины і одгад предпокладаных коштів є скоро 30 міліонів евр. Аґентуру ТАСР о тім інформував директор про комунікацію конзорція Дойче-Словакіше Академійын Славомір Малічкай. Сполупрацовати на основі його слов будуть і з Дуалнов академійов, котры засновали сполочности Фолсваґен, Сіменс, Матадор з Братіславскым самосправным крайом. „Цільом є рішыти актуалны проблемы на торгу праці, головно в області автомобілового промыслу, де хыбають в сучасности тісячі кваліфікованых робітників,“ пояснив з тым, же проєкт є призначеный про 20.000 людей без роботы.
(TASR)