Дцерьска компанія Google, фірма Jigsaw, зачне будучій тыждень на Словакії, в  Польщі і Чеській републиці кампань заміряну на бой протів дезінформаціям о україньскых утеченцьох. Психолоґове з британьскых універзіт в Cambridgei a Bristole в сполупраці зо споминанов фірмов вытворили 90-секундовы кліпы з цільом ‟наочковати‟ людей протів шкодливому обсягу на соціалных сітях, інформувала в середу аґентура Reuters. Кліпы, котры будуть біжати в рекламных слотох на YouTube, Twitteri, TikToku i Facebooku, мають за ціль помочі людьом розпознати емоціоналну маніпулацію і гледаня обетных баранків в тітулку справы. Кампань в сполупраці з містьстныма мімовладныма орґанізаціями, оверователями фактів, академіками і одборниками на дезінформації буде тырвати єден місяць. (TASR, Pkf)