Міністер школства, наукы, дослідженя і шпорту Браніслав Ґроглінґ твердить, же є потрібне ся вырівнати з квалітов высокых школ. О сітуацціях занику высокых школ, ці о тім, котры высокы школы заникнуть, бы мали подля нього вырішыти главні інтерес штудентів о штудіюм. Реаґував так на минулотыждньовый вердікт влады о добратю штатной згоды з діяням приватной высокой школы з назвом Академія медій, одборна высока школа медіалной і маркетінґовой комунікації в Братіславі. Окрім 11 приватных высокых школ на Словакії далей діє і 20 верейных і три штатны высокы школы. Дальшых пять заграничных высокых школ мать ліценцію міністерства школства давати на теріторії Словацькой републикы освіту подля правных предписів штату їх резіденції.  (TASR, Pkf)