О посаду судцю Конштітучного суду має інтерес 16 кандідатів. Потвердив то председа парламентного конштітучноправного выбору Роберт Мадєй. Вшыткы, окрім штирьох, о тоту посаду інтересують ся повторяно. Пленум бы мав далшых кандідатів на конштітучных судців волити на септембровім засіданю, котре зачне 10-го септембра. Піде вже о пяту вольбу. Омбудсманка Маріа Патакійова на буде пропоновати жадны мена кандідатів на конштітучных судців і судкыні. Як повіла говоркыня Канцеларії публічного охранцю прав Михала Павелкова, омбудсманка плановала схосновати своє право пропоновати мена кандідатів на конштітучных судців і в тій вольбі, но тотраз кандідаты і кандітаткы не прияли їй ословліня.

(Медвідь, TASR)