На зміну здравотной поістёвни мають люде час до конця септембра. Припомянув то Уряд про догляд над здравотнов старостливостёв. Поіщенцї сі можуть выбрати меджі штатнов Общов здравотнов поістёвнёв і пріватныма здравотныма поістёвнями Довіра і Уніон. Змінити здравотну поістёвню мож раз рочнї, причім приглашку мож послати лем до єдной поістёвни. Кедь поіщенець подав приглашку і до інакшых поістёвней, є повинный взяти до 30. септембра поданы приглашкы назад а выбрати собі на певно лем єдну. Кедь так не зробить, вшыткы ёго приглашкы поданы з доводу зміны здравотной поістёвни суть неплатны.

(TASR, Шутіова)