Председа словацького парламенту Борис Коллар скликав на днесь дві міморядны засіданя. По 17.00 год. має зачати засіданя ку контракту Словацькой пошты. По нім має слідовати засіданя ку одкликаваню Іґора Матовіча з позіції міністра фінанцій. Міморядне засіданя ку пошті ініціовала опозічна партія Smer-SD. Хоче пожадати владу, жебы забезпечіла, же Словацька пошта одступить од контракту з компанійов Lama SK. Незараджены депутаты з мімопарламентной партії Hlas-SD хотять одкликати Матовіча в повязаню з накупліньом російской вакціны Sputnik V. Бісідують о „бламажи“, бо кедь ся не подарить продати несхоснованы вакціны, выникне подля них Словакії шкода майже 20 міліонів доларів.

(Медвідь, TASR)