Навщіва Росії, котрув минулім тыждню  абсолвовав председа Народной рады СР Андрей Данко, было значно нештандартнов. По вчерайшім засіданю влады  то повів міністер заграничных справ Мірослав Лайчак. О навщіві ся за його словами резорт дознав аж два дніперед єй конаням. „Штандартне є, же стрічі такого характеру нашых уставных представителів догадують нашы діпломатічны представницьтва. В данім припаді тому так небыло,“ підкреслив Лайчак на марґо єднодньовой робочой навщівы, вчасі котрой Данко стрітнув ся з лідром російской Штатной думы Вячеславом Володіном і вів переговоры з російскым міністром  заграничных справ Серґейом Лавровом. (ТАSR, Пкф)