Міністерство културы СР опубліковало на своїм інтернетовім сайті вызву на подаваня приглашок до акції Европской унії Европскер главне місто културы в СР на рік 2026. Вызва платить до кінця октобра 2020 і словацькый переможець буде знамый найпізніше в децембрі 2021-го року. Словацькы міста можуть такым способом в змагані брати участь уж по другый раз. В 2013-ім року тітул Европске главне місто културы здобыло місто Кошыці. Властник тітулу Европске главне місто културы 2026 при сповніню вшыткых условій достане і піняжну ціну Меліні Мерцоуріовей у вышкі 1.5 міліонів евр, котру Европска комісія приділить із бютжету проґраму Креатівна Европа найпізніше до кінця марца 2026-го року. (TASR, Pkf)